Ռուբեն Ջաղինյանը Հայաստանի հանրային հեռուստառադիոընկերության համար ներկայումս փաստաթուղթ է պատրաստում, որով ապացուցելու է, թե բյուջեից հատկացված գումարները իրենց չեն բավարարում, եւ այս տարվա համար ավելի շատ գումար են ուզելու: Այս մասին այսօր Ազգային ժողովում 2013թ. բյուջեի կատարողականի հաշվետվությունը ներկայացնելիս ասաց ՀՀՌԸ խորհրդի նախագահ Ռուբեն Ջաղինյանը:
Նկատենք, որ 2013-ին պետական բյուջեից ՀՀՌԸ-ին տրվել էր 6,4 մլրդ դրամ:
Սակայն, քանի որ նախորդ տարի ընդունված օրենքով Հանրային հեռուստատեսությունն այլեւս չի կարող գումարներ աշխատել՝ գովազդի միջոցով, 6,4 մլրդ դրամն այլեւս չի բավարարում: «Իհարկե, սիրուն է, որ գովազդ չկա, չեն ընդհատվում ֆիլմերը, ծրագրերը, բայց ինքը ծրագրերի պատրաստման համար խնդիրներ է ստեղծում, մենք ակնկալիքներ ունենք, պատրաստում ենք մի քանի շարք ապացույցներ, որ ուզում ենք դիմել եւ ձեր աջակցությունը ուզել, որ կարողանանք առաջարկել բյուջեից ավելի մեծ գումար տան, որ կարողանանք փոփոխված ծրագրերը պահենք, ավելացնենք եւ շատացնենք: Դա բարդ խնդիր է, ուղղակի առանց դրա անհնար է լինելու»,-ասաց Ռուբեն Ջաղինյանը:
Ավելի ուշ, երբ լրագրողները հետաքրքրվեցին, թե որքա՞ն հավելյալ գումարի մասին է խոսքը, Ռ. Ջաղինյանը ասաց՝ «երկու անգամ կամ կես անգամ շատ»: Ամենայն հավանականությամբ նա նկատի ուներ եղածից կրկնակի կամ կիսով չափ ավելի:
Ի դեպ, «Առավոտի» հարցից՝ մամուլում պարբերաբար գրվում է, որ Հանրային հեռուստառադիոընկերության շենքը գրավադրված է, այդպե՞ս է, Ռ. Ջաղինյանը ակնհայտորեն վրդովվեց, այդուհանդերձ պատասխանեց՝ «չկա տենց բան, ո՞նց կարող ենք գրավ դնել»:
Կարդացեք նաև
Մելանյա ԲԱՐՍԵՂՅԱՆ
Պարոն Ջաղինյանին հարցրե՛ք, թե նախկինում հեռուստաընկերությունը գովազդից որքան գումար էր ստանում և ում գրպանն էր մտնում գովազդի իրական գումարը /եթե իհարկե նա նման տեղեկության տիրապետում է/:
Հարկատուների գումարները թող մի փոքր խնայողաբար ծախսեն, 100.000 դրամ արժողությամբ համակարգիչը ՛պետական գնումներով՛ 500.000-ով թող չգնեն, մի փոքր էլ ղեկավարության ծախսերը ՛համեստացնեն՛, մնացած գումարն էլ կբավականեցնի: