Նոբելյան մրցանակակիր, թուրք գրող Օրհան Փամուկը խոստովանել է, որ երբ նոր էր սկսել գրել, մտածում էր, թե ինչքան հայտնի պետք է դառնա, որ հայազգի լուսանկարիչ Արա Գյուլերը լուսանկարի իրեն, գրում է «Հուրիեթ»-ը:
Հուլիսի 1-ին Արա Գյուլերին Բողազիչի համալսարանի «պատվո դոկտոր»-ի կոչմանն արժանացման արարողությանը իր ճառում Փամուկն ասել է.
«Առաջին գիրքս լույս տեսավ 1980-ականներին: Ես մտածում էի՝ ինչքան հայտնի պետք է դառնամ, որ Գյուլերը լուսանկարի ինձ: Այդ օրը եկավ, և նա առաջին անգամ ինձ լուսանկարեց 1994թ.-ին: Հետո ասացի՝ ուրեմն արդեն գրող եմ», – ասել է Փամուկը: Գյուլերին անվանելով՝ «աշխարհի լուսանկարիչ»:
Գրողը նաև պատմել է, որ 2000-ականներից հետո սկսել է օգտագործել Գյուլերի արխիվները. «Նրա արխիվներն ինձ համար հսկայական օվկիանոս են», – ասել է նա, – «Դա Ստամբուլի տեսողական գանձն է: Մեր հիմնական առաքելությունն է պահպանել նրա արխիվները»:
Կարդացեք նաև
Պատրաստեց Հովհաննես ԻՇԽԱՆՅԱՆԸ
