Հատված ԱԺ ՀՀԿ խմբակցության ղեկավար Վահրամ Բաղդասարյանի հարցազրույցից:
– Հովիկ Աբրահամյանն օրերս չհայտարարեց, որ Հայաստանն ամեն ինչ արել է եւ սպասում է Ռուսաստանին, այսինքն՝ ենթադրվում է, որ ճանապարհային քարտեզի բոլոր պահանջներն արդեն կատարվել են մեր կողմից։ Կնշե՞ք մեկ-երկու կոնկրետ քայլ, որ արվել է։
– Ես կարող եմ ասել, որ մեր խնդիրների լուծումն ավարտել ենք, տեխնիկական խնդիրները լուծել, եւ համաձայնագրի նախագիծն ուղարկված է անդամ երկրների համաձայնեցմանը։ Քննարկումներից հետո այն պարզ կդառնա բոլորի համար։ Եվ խնդիրը միայն դա է, երբ որ երեք պետությունները կավարտեն փաստաթղթային ուսումնասիրությունը։
– Վերջին իրադարձությունները եւ հատկապես Ադրբեջանի ակտիվացումը հայկական կողմի մոտ կասկածներ են առաջացնում, որ Ղազախստանը, ի վերջո առաջ տանելով Ադրբեջանի շահը, մեզ սահմանային կետ կպարտադրի Ղարաբաղի հետ կամ գուցե այլ…
– Պրոցեսներ կարող են տարվել, բայց, համենայնդեպս, մեր դիրքորոշումների մասին ես հստակ արտահայտվել եմ։
Կարդացեք նաև
– Եթե, այդուհանդերձ, նման պայման առաջ քաշվի, մենք հետ կկանգնե՞նք անդամակցությունից։
– Հիմա էլ Հայաստանի եւ Ղարաբաղի միջեւ սահմանակետ կա դրված։
– Բայց հիմա առանց հսկիչների եւ անարգել հատում ենք Արցախի
սահմանը։
– Չեմ կարծում, որ այն ժամանակ էլ որեւէ արգելք կլինի մեզ համար։
Լուսինե ՇԱՀՎԵՐԴՅԱՆ
Հարցազրույցն ամբողջությամբ կարող եք կարդալ «Հրապարակ» թերթի այսօրվա համարում
