Շուտով հնարավոր կլինի նայելով աչքերին հասկանալ՝ մարդը քեզ սիրու՞մ է, թե ընկալում է որպես սեքսուալ օբյեկտ, առանց փորձելու գուշակել դա: Գրել է Altapress.ru-ն:
Ամերիկացի գիտնականները սովորել են որոշել սերը աչքերի շարժման միջոցով: Արդյունքները գիտնականները հրապարակել են գիտական «Psychological Science» ամսագրում:
Ինչպե՞ս է անցել ուսումնասիրությունը: Կամավորներին ասված էր, որ դիտեն «թույլ սեռի» ներկայացուցիչների լուսանկարների մի ամբողջ շարք: Դրանք էրոտիկ բնույթ չէին կրում, նույնիսկ մի քանիսում պատկերված էին ամուսնական զույգեր:
Վերլուծելով լուսանկարները դիտող տղամարդկանց հայացքները` գիտնականները եկել են այն եզրահանգման, որ նրանք, ովքեր ամբողջ նկարից առանձնացնում էին աչքերը, հակված էին ռոմանտիկ հարաբերությունների, իսկ նրանք, ովքեր առաջին հերթին նայում էին մարմնին, այնքան էլ պատրաստ չէին երկարատեւ հարաբերությունների:
