Այս մասին Aravot.am-ին տեղեկացրեց Շիրակի մարզի դատախազ Րաֆֆի Ասլանյանը: Նա ասաց, որ Շիրակի մարզի Գետք գյուղում 50-ամյա Հարություն Գրիգորյանի սպանության կասկածով ոստիկանություն ներկայացած 1978 թվականին ծնված Արման Կատունյանը զբաղեցնում է Ռազմական ոստիկանության քրեական հետախուզության Գյումրու բաժանմունքի պետի պաշտոնը: Վերջինիս արդեն ցուցմունքներ է տվել և խոսել սպանության շարժառիթներից: Սակայն, նախաքննական ցուցմունքները, հրապարակման ենթակա չեն:
Նկատի ունենալով հասարակական մեծ հետաքրքրությունը այս սպանության շուրջ, Aravot.am-ը քիչ անց կհրապարակի Արման Կատունյանի խոստովանական ցուցմունքը, այսինքն այն, ինչ փոխանցում են ոստիկանական մեր աղբյուրները:
Նունե ԱՐԵՎՇԱՏՅԱՆ
