«Հայաստանի Հանրապետության եւ Լեռնային Ղարաբաղի Հանրապետության զինված ուժերը` Սոչիի հանդիպումից առաջ, գերագույն հրամանատարի համար ստեղծեցին գրանիտե պատվանդան, որտեղ նա բարձրությունից պետք է բանակցի»,- այսօր` օգոստոսի 6-ին, «Արմատ» մամլո ակումբում լրագրողների հետ հանդիպման ընթացքում հայտարարեց քաղաքագետ Լեւոն Շիրինյանը:
Նրա խոսքերով` Սերժ Սարգսյանը պետք է մոռանա մինչեւ այս ստեղծած քաղաքական եւ ռազմական իրավիճակը, եւ գրանցած արդյունքի հիման վրա էլ բանակցի Հեյդար Ալիեւի հետ եւ զիջում չպետք է լինի: Քաղաքագետը համարում է, որ արտաքին գործերի նախարարությունն էլ իր հերթին պետք է փորձի պահպանել Զինված ուժերի գրանցած հաջողությունը.
«Ես առաջարկում եմ փորձել անել այն գործը, որ արեց բանակը, այլ պարագաներում արտաքին գործերի նախարարությունում պետք է սկսվի պաշտոնաթողությունները, մենք այլեւս չպիտի հանդուրժենք, մեր ժողովուրդը չպիտի հանդուրժի, ոչ էլ իշխանությունը, որ արյան գնով այդպիսի ահռելի տարբերությամբ արված գործերի արդյունքները գնան ինչ-որ մարդիկ եվրոպաներում եւ մոսկվաներում մսխեն»:
Լեւոն Շիրինյանը չի բացառում պատերազմի հավանականությունը, նա համարում է, որ բանակը պետք է պատերազմի պատրաստ լինի: Ըստ նրա` իրավիճակը հնարավոր է միջազգային դավադրության մաս լինել, եւ եթե դա այդպես է, նշանակում է, որ շղթան շարունակվելու է.
Կարդացեք նաև
«Մենք մի ամսվա մեջ կհասկանանք` դավադրությո՞ւն էր, թե՞ ոչ, որ հենքը կա, անկասկած է, ռուսներ, ամերիկացիներ. Մեկը զենք է տալիս, մեկն ասում է` բավարար չէ, պետք է հետ գնաք»:
Ամի ՉԻՉԱԿՅԱՆ
Ինչպես բռնցքամարտում են ասում, Սոչիում մեր նախագահը պետք է ,,մարտը վարի,, Առաջին համարով:Տեսնենք ինչպես կստացվի:Մեր վրա մուննաթ գալու փոխարեն թող մուննաթ գա Պուտինի ու Ալիևի վրա: