Այսօր Վանաձոր այցի ընթացքում ՀՀ վարչապետ Հովիկ Աբրահամյանն անդրադարձավ վերջին շրջանում ղարաբաղա-ադրբեջանական ուժերի շփման գծում և հայ-ադրբեջանական պետական սահմանին տիրող իրավիճակին:
«Չեմ կարծում, որ սահմանային այս իրավիճակը պատերազմի կվերածվի, վերջին մի քանի օրը այդ լարվածությունը թուլացել է, եւ ես համոզված եմ, որ այն գնալով թուլանալու է: Պատերազմը ոչ մեկին ոչ մի լավ բան չի տա` ոչ Հայաստանին, ոչ Ղարաբաղին եւ ոչ էլ Ադրբեջանին: Կարծես թե ադրբեջանցիները վերջին օրերին հասկացան, որ ուժի դիրքից խոսելը ոչ մի օգուտ չի տա: Մենք կողմնակից ենք խաղաղության, գնում ենք այդ քայլերին եւ դեմ ենք նման լարվածություն ստեղծելուն»,-ասաց ՀՀ վարչապետ Հովիկ Աբրահամյանը:
Մանրամասները` տեսանյութում:
Անուշ ԲՈՒԼՂԱԴԱՐՅԱՆ
Ժողովրդի ուշադրությունը շեղելու նպատակով հրահրված լարվածություն է , և հարմար պահ է թալանը քողարկելու և թաքցնելու համար…
Երբ ուզենան` իրավիճակը կլարեն, քանզի ղարաբաղյան խնդիրը իշխանությունը պահելու և թալանը շարունակելու իրենց գլխավոր խաղաքարտն է և այդ հարցը երբեք չի լուծվելու…