«Այդ ընտրությունները կանգնեցնում են Թուրքիային եւ տարածաշրջանին բավականին նոր իրադրության առաջ»,- այսօր ՝ օգոստոսի 25-ին, «Փաստարկ» ակումբում լրագրողների հետ հանդիպման ընթացքում, անդրադառնալով Թուրքիայում տեղի ունեցած ընտրություններին, հայտարարեց քաղաքագետ Սերգեյ Շաքարյանցը:
Նա ներկաներին հիշեցրեց, որ Ահմեթ Դավութօղլուն եւ Ռեջեփ Թայիփ Էրդողանը փորձում էին նեոօսմանացման քաղաքականությունը վարել, նա համարում է, որ իրենց անցած ճանապարհը բերել էր նրան, որ շատ փորձագետներ տեսան՝ նեոօսմանացած քաղաքական կուրսը տապալված է: Պարոն Շաքարյանցի կարծիքով՝ իրենք հասկացան, որպեսզի երկարաձգեն իրենց իշխանությունը պետք է, որ կատարվեն սահմանադրական փոփոխություններ.
«Ակնհայտ է, որ Էրդողանը ցանկանում է գրեթե որպես հավերժ Թուրքիայի առաջնորդ եւս տաս տարի մնալ: Մենք առաջին անգամ ենք տեսնում համաժողովրդական ընտրություններ. Այս անգամ Թուրքիայի բնակչությունը առաջին անգամ ընտրում է ուղիղ ընտրությունների միջոցով: Մենք տեսնում ենք, որ Թուրքիան ծրագրավորված քայլում է դեպի նախագահական հանրապետություն՝ պրակտիկորեն հրաժարվելով իր նախկին քաղաքական փորձից»:
Պարոն Շաքարյանցը հետաքրքիր է համարում այն հանգամանքը, որ նախագահական ընտրությունները հասարակությանը ճակատ առ ճակատ բախվում է այն իրողության հետ, որ բացի չափավոր իսլամականներից այդ երկու ընդգծված եւս երկու ուժ կա: Նրա կարծիքով՝ Թուրքիայի ներքաղաքական աշխարհը տրոհվել է երկու ստանդարտի՝ քաղաքական եւ էթնիկական.
«Այդ ընտրությունները ցույց են տվել, որ թուրքական հասարակության մեջ կա բաժանարար գիծը, որը հիմա շատ ավելի ընդգծված պետք է դուրս գա քաղաքական բեմ: Այստեղ Թուրքիայի քաղաքացիները կբախվեն այն փաստի հետ, որ թուրքն ու քուրդը տարբեր ազգեր են»:
Անդրադառնալով երեկ նախագահ Սերժ Սարգսյանի հայտարարությանը, թե հայկական կողմը հրավիրված է Ռեջեփ Թայիփ Էրդողանի երդմնակալության արարողությանը՝ պարոն Շաքարյանցը հայտարարեց, որ համարում է՝ տվյալ դեպքում եւս ամերիկյան գործոնն է աշխատում: Նա կարծում է, որ հայկական կողմը չպետք է գնա այդ արարողությանը.
«Դա ձեզ համար բարեկամ երկիր չէ, որ դուք գնանք Լեւոն Տեր-Պետրոսյանի նման: Նույնը հիմա՝ այդ քո ընկերն է ընտրվե՞լ, այդ քո բարեկամն է ընտրվե՞լ, այդ բարյացակամ պետության առաջնորդ է ընտրվո՞ւմ, հետեւապես՝ ըստ իս Հայաստանը պետք չէ մասնակցի այդ արարողությանը»:
Կարդացեք նաև
Ամի ՉԻՉԱԿՅԱՆ
