Այսօր «Վանաձոր-Քիմպրոմ» ՓԲԸ-ի աշխատակիցները հավաքվել էին ՀՀ Լոռու մարզպետարանի դիմաց:
Նրանք շարունակում են պահանջել ամիսներով իրենց չվճարված աշխատավարձերը:
«Դիմեցինք մարզպետին, մարզպետ Արթուր Նալբանդյանը խոստացավ խնդրի մասին տեղեկացնել ՀՀ վարչապետ Հովիկ Աբրահամյանին, կսպասենք պատասխանին ու դրանից հետո գործարանի մոտ նորից կհավաքվենք` մեր հետագա անելիքները քննարկելու համար»,-Aravot.am-ի հետ զրույցում ասաց «Վանաձոր-Քիմպրոմ» ՓԲԸ-ի ամոնիակի սինթեզի արտադրամասի հերթափոխի պետ Հրաչիկ Մարտիրոսյանը:
Անուշ ԲՈՒԼՂԱԴԱՐՅԱՆ