«Ամեն մարդ ընտրում է իրեն հոգեհարազատ ոճը, ու բոլորն ազատ են և ունեն իրավունք օգտագործելու այն արտահայտությունները, որոնք իրենք հարմար են գտնում»,-«Ժառանգություն» խմբակցության պատգամավոր Ալեքսանդր Արզումանյանն այսպես արձագանքեց ՀԱԿ խմբակցության պատգամավոր Արամ Մանուկյանի` երեկ հնչեցրած վիրավորական արտահայտություններին:
Ալեքսանդր Արզումանյանը, սակայն, նշեց, որ իր համար ավելի նախընտրելի են դիվանագիտական ձևակերպումները ու շարունակեց. «Ես միշտ նախընտրել եմ դիվանագիտական ձևակերպումները և փորձել հնարավորինս անձնական դաշտից դուրս քննարկել որևէ խնդիր: Հայհոյանքներ օգտագործել եմ դատարանում, երբ ինձ փորձել են անօրինական դատապարտել, բայց դա, կարծում եմ, իմ` ազատ քաղաքացու իրավունքն է եղել: Քաղաքականության մեջ, ընդհանրապես կոլեգաների հետ ես ունեմ իմ բառապաշարը, բայց ես պայքարում եմ բոլորի ազատ արտահայտվելու իրավունքի համար»:
Տաթև ՀԱՐՈՒԹՅՈՒՆՅԱՆ
