Այսօր ժամը 18.30-ին ոչ իշխանական ուժերը «Շրջանառության հարկի մասին» օրենքի քննարկման համար արտահերթ նիստ էին հրավիրել: Նրանք հասցրել էին հավաքել անհրաժեշտ թվով ստորագրությունները եւ ներկայացնել Գալուստ Սահակյանին: Սակայն, ինչպես երեկ ՕԵԿ-ի հրավիրած արտահերթ նիստին, այնպես էլ այսօր համապատասխան թվով պատգամավորներ չեկան: Դարձյալ քվորում չեղավ, քանի որ գրանցվել էր 37 պատգամավոր: Այսինքն, նույնիսկ ԲՀԿ խմբակցության մեծամասնությունը ներկա չէր գտնվել: Չնայած մինչ այդ եռյակի ներկայացուցիչները հայտարարությունների ժամին կոչ էին անում քաղաքական մեծամասնության ներկայացուցիչներին մասնակցել իրենց հրավիրած արտահերթ նիստին:
Հռիփսիմե ՋԵԲԵՋՅԱՆ
