Մարդու իրավունքների պաշտպան Կարեն Անդրեասյանը Սյունիքի մարզպետ Սուրիկ Խաչատրյանի կատարած հանցագործությունների մասին Գորիսի նախկին քաղաքապետի ներկայացրած բողոքները մերժած դատավորների նկատմամբ կարգապահական վարույթ հարուցելու միջնորդություն է ներկայացրել: Նա այդ միջնորդությամբ դիմել է դատավորների ընդհանուր ժողովի էթիկայի եւ կարգապահական հարցերի հանձնաժողով:
Նշված դատավորները Աջափնյակ եւ Դավիթաշեն վարչական շրջանների ընդհանուր իրավասության դատարանի, Կենտրոն եւ Նորք Մարաշ վարչական շրջանների ընդհանուր իրավասության դատարանի, Սյունիքի մարզի ընդհանուր իրավասության դատարանի եւ Վերաքննիչ քրեական դատարանի դատավորներն են:
Հիշեցնենք, որ Գորիսի նախկին քաղաքապետ Սամվել Հարությունյանը դիմել էր ՀՔԾ, ոստիկանություն իր հայտարարությունների հիման վրա Սուրիկ Խաչատրյանի նկատմամբ քրեական գործ հարուցել, ինչը մերժվել էր: Այդ որոշումները նախկին քաղաքապետը բողոքարկել էր վերը նշված դատարաններում եւ կրկին մերժում ստացել:
Կարդացեք նաև
Արփինե ՍԻՄՈՆՅԱՆ
