Ամերիկահայ ռոք երգիչ Սերժ Թանկյանը մեկնաբանել է Ադրբեջանում Իսրայելի դեսպան Ռաֆայել Հարփազի խոսքերը, որ Իսրայելը մտադիր չէ ճանաչել Հայոց ցեղասպանությունը:
«Հիանալի օրինակ, թե ինչպես են իշխանությունները ցեղասպանությունը կամ պարզապես դրա ճանաչումն առանց ամոթի օգտագործում քաղաքական նպատակներով», – գրել է Թանկյանը, – «Բոլոր երկրների մեջ Իսրայելը պետք է վերջինը լինի, որը երկակի ստանդարտներով կշարժվի»:
Հարփազն, անդրադառնալով Հայոց ցեղասպանությունը ճանաչելու իսրայելցի պաշտոնյաների կոչերին, ասել էր, որ այս հարցի շուրջ Թել Ավիվն ունի իր հստակ դիրքորոշումը, որն արտահատված է երկրի արտաքին գործերի նախարար Ավիգդոր Լիբերմանի հայտարարություններում: Վերջինս բազմիցս դեմ է արտահայտվել Հայոց ցեղասպանության ճանաչմանը:
Պատրաստեց Հովհաննես ԻՇԽԱՆՅԱՆԸ
