Ադրբեջանահայերի ասամբլեայի նախագահ, ադրբեջանագետ Գրիգորի Այվազյանը այսօր ‹‹Հենարան›› մամուլի ակումբում ասուլիսին պատասխանելով Aravot.am-ի այն հարցին, թե Գյումրիում տեղի ունեցած Ավետիսյանների ընտանիքի դաժան սպանությունից կարո՞ղ է Ադրբեջանը օգտվել` լարելով սահմանին տիրող իրավիճակը, ասաց, որ Գյումրիում տեղի ունեցող իրադարձությունների զարգացումը ձեռնտու կարող է լինել միմիայն Ադրբեջանի բռնատիրական ռեժիմին:
‹‹Ադրբեջանի սահմանին լարվածությունը զուգահեռ է ընթանում Գյումրիի դեպքերի հետ եւ ակնհայտ է, որ Ադրբեջանը լիարժեք օգտվում է այս իրավիճակից: Նրանց հենց դա էլ պետք է` Անդրկովկասում Հայաստանի լիակատար մեկուսացում››,- վստահեցնում է Գրիգորի Այվազյանը:
Ադրբեջանագետի համոզմամբ` Ադրբեջանը, օգտվելով նրանից, որ Ռուսաստանի ուշադրությունը Անդրկովկասից շեղվել է, փորձում է սեպ խրել հայ-ռուսական հարաբերությունների մեջ եւ շիկացնում է իրավիճակը Ղարաբաղյան ճակատում. ‹‹Միայն հայկական կողմի բարձր զսպվածության պատճառով լայնածավալ ռազմական գործողությունները ` պատերազմը, չի վերսկսվել: Այն պահին, երբ Հայաստանը լիարժեք պատասխան տա ադրբեջանական սադրանքին, դա կլինի հենց պատերազմի վերսկսման օրը: Կարծում եմ, որ Ռուսաստանի ուշադրությունը շեղվել է Արեւելյան Ուկրաինայի վրա եւ հիմա կարող է Ադրբեջանը, Թուրքիայի բացահայտ աջակցությամբ, անել այն, ինչ ուզում է››:
Կարդացեք նաև
Էլյա ՀՈՎՀԱՆՆԻՍՅԱՆ
