Ամերիկայի Միացյալ Նահանգներում հայկական Սփյուռքի առաջատար գործիչները հերքել են Թուրքիայի վարչապետ Ահմեդ Դավութօղլուի հայտարարությունը, որ Գյուլենի շարժումը ԱՄՆ-ում Հայկական համայնքի հետ միասին լոբբինգ է անում Թուրքիայի դեմ: Հաղորդում է թուրքական «Todays Zaman» պարբերականը:
Այս շաբաթ ելույթ ունենալով իր Արդարություն եւ զարգացում կուսակցության 5-րդ կոնգրեսում, Դավութօղլուն պնդեց, որ Հայկական լոբբին, հույն ու հրեա լոբբիների հետ համատեղ, Օսմանյան կայսրության կողմից «հայերի պնդած ցեղասպանության» 100-ամյա տարելիցին ընդառաջ, վերջերս գործողություներ է կատարել Թուրքիայի դեմ:
Թուրքիայում հրատարակվող հայկական երկլեզու «Ակոս» թերթի փոխանցմամբ՝ հայկական Սփյուռքի առաջատար ներկայացուցիչները Ամերիկայում հերքել են Դավութօղլուի հայտարարությունը: Հակառակը՝ նրանք ասում են, որ շարժման եւ Սփյուռքի միջեւ կապը ԱՄՆ-ում այդքան էլ լավ չեն:
Էդվին Մինասյանը, որն ԱՄՆ-ում հիմնադրված հայկական իրավաբանների ղեկավարներից մեկն է, թերթին ասել է, որ, քանի որ հայկական Սփյուռքի շատ անդամներ ԱՄՆ-ում աշխատում են թուրքերի կողմից ղեկավարվող դպրոցների փակման համար, հստակ նշան է, որ երկու խմբերը հակասում են միմյանց:
Կարդացեք նաև
ԱՄՆ-ում հիմնադրված Հայ Դատի հանձնախմբի տնօրեն Արամ Համբարյանը, նույնպես հարցազրույց է տվել «Ակոսին» եւ ասել, որ շարժման անդամները ԱՄՆ-ում բացեիբաց եւ ակտիվորեն աշխատում են ԱՄՆ-ում հայկական համայնքի քաղաքականության դեմ: Նա պնդում է, որ շարժման անդամները աջակցում են Թուրքիայի կառավարության ջանքերին «կանխելու Հայոց ցեղասպանության խնդրի արդար լուծումը» եւ ճյուղավորվում են Բաքվի հետ Լեռնային Ղարաբաղի դեմ կռվում:
Գլենդելում հիմնադրված հայկական Կալիֆոռնիա Կուրիեր շաբաթաթերթի հրատարակիչ Հարութ Սասունյանը նույնպես հերքում է Դավութօղլուի հայտարարությունները:
Պատրաստեց Աշոտ ԻՍՐԱԵԼՅԱՆԸ
