Եվրախորհրդարանի 24 երկրների պատվիրակներ ստորագրել են Լեռնային Ղարաբաղում դատապարտված դիվերսանտների գործով արդար դատաքննություն անցկացնելու կոչը: Այս մասին, ըստ Trend.az կայքի՝ հաղորդում է PR Newswire-ը:
Փաստաթուղթը, որը Դիլհամ Ասկերովի եւ Շահբազ Գուլիեւի նկատմամբ Մարդու իրավունքների եվրոպական կոնվենցիայի 6-րդ հոդվածով արդար դատավարության կոչ է անում, ստորագրել են Եվրոպական խորհրդարանի 46 անդամներ: Նրանց մեջ են Իռլանդիայի, Իսպանիայի, Իտալիայի, Ֆինլանդիայի, Ուկրաինայի եւ Խորվաթիայի անդամները:
Հրատարակչությունը ընդգծում է. «Երկու ադրբեջանցի, Ռուսաստանի Դաշնության քաղաքացի Դիլհամ Ասկերովը եւ Ադրբեջանի քաղաքացի Շահբազ Գուլիեւը դատապարտվել են չճանաչված «Լեռնային Ղարաբաղի Հանրապետությունում», որը միջազգային համաձայնագրերի մասնակից չէ, չի երաշխավորում մարդու իրավունքների պաշտպանությունը եւ օրենքի գերակայությունը»:
Նախաձեռնությունը ներկայացվել է փետրվարի 5-ին ԵԽԽՎ պատվիրակ Էլհան Սուլեյմանովի կողմից:
Կարդացեք նաև
Հիշեցնենք, որ հուլիսի 10-ին ԼՂՀ պաշտպանության բանակը հաղորդել էր սահմանում ձեռնարկված նոր դիվերսիայի եւ ադրբեջանցի դիվերսանտների ձերբակալության մասին:
Իսկ դեկտեմբերի 29-ին ԼՂՀ ընդհանուր իրավասության առաջին ատյանի դատարանի կողմից հրապարակվեց Շահբազ Գուլիևի եւ Դիլհամ Ասկերովի գործով դատավճիռը, որով նրանք համապատասխանաբար դատապարտվեցին 22 տարվա եւ ցմահ ազատազրկման:
Պատրաստեց Աշոտ ԻՍՐԱԵԼՅԱՆԸ
Լուսանկարը՝ «Արցախպրես»-ի
