Կարմրագլուխ կաղամբը կիրառության մեջ այնքան էլ տարածված չէ, բայց այն ավելի շատ վիտամիններ` կալիում, մագնեզիում, երկաթի աղեր է պարունակում, նաեւ սպիտակուցների, ֆերմենտների, C վիտամինի քանակը ավելի է 2 անգամ, իսկ կարոտինի քանակը` 4 անգամ, քան սպիտակագլուխ կաղամբի:
Մասնագետները կարմիր կաղամբի հյութը շաքարի հետ խորհուրդ են տալիս օգտագործել հազի եւ խռպոտության ժամանակ: Այն ավելի լավ է խմել թեյի գդալով՝ օրական մի քանի անգամ: Շնչառական օրգանների բորբոքման ժամանակ խմում են նաեւ կաղամբի խաշուկի եւ մեղրի խառնուրդ: Ըստ բժիշկների, կարմիր կաղամբը սննդի մեջ օգտագործելուց կանխվում է ստամոքսի թուլությունը, վերացվում փորկապությունը: Սակայն նրա մեջ շատ են կոպիտ թաղանթանյութերը, որի համար այն օգտագործվում է քիչ քանակով:
Պատրաստեց ԱՆՈՒՇ ՄԱԹԵՎՈՍՅԱՆԸ
«Առավոտ» օրաթերթ
Կարդացեք նաև
13.02.2015
