Իսակովի պողոտայի ճանապարհային հանգույցի մի անկյունում,
բավականին տեսանելի վայրում, օդանավակայանից դեպի քաղաքի կենտրոն տանող
ճանապարհի մոտ ռուսական եկեղեցին սկսել է կառուցվել մոտ 2 տարի առաջ:
Այս եկեղեցին կառուցվում է Ռուսաստանի հայերի միության նախագահ Արա Աբրահամյանի հովանավորությամբ: Աբրահամյանը դեռ 2013-ի սեպտեմբերին վստահեցրել էր, որ եկեղեցու կառուցումը կավարտվի 2014-ի հոկտեմբերին, սակայն մինչ օրս այն կառուցվում է, ու ընդամենը 3-4 բանվոր է աշխատում:
Հավանաբար պարոն Աբրահամյանն այն ժամանակ հստակ ժամկետ էր նշել՝ ոգեւորվելով այդ նույն տարվա նույն ամսին ՀՀ նախագահի՝ Հայաստանի՝ Մաքսային միությանն ու ԵՏՄ-ին անդամակցելու մասին հայտարարությամբ, եւ փորձել է ապացուցել հայ-ռուսական դարավոր բարեկամության իսկությունն ու ցանկացել արագ ավարտին հասցնել եկեղեցին: Ո՞վ գիտի, գուցե ավելի արագ Հայաստանը դուրս գա ռուսական միությունից, քան եկեղեցին ավարտին կհասցնեն:
Լուսանկարը՝ ՆԵԼԼԻ ԲԱԲԱՅԱՆԻ
Կարդացեք նաև
«Առավոտ» օրաթերթ
20.02.2015
եկեղեցու հիմքը՝ հաւատքն է
եթէ հարազատ, զուտ եւ ամուր է զայն կառուցողի հաւատքը, եկեղեցին կառուցվելու է. եթէ ոչ, փլուզման է ենթարկվելու: Ժամանակը, երեւի երկրորդական տվյալ լինի, այս նիւթին մէջ…
իսկ էգուց արդեն կիրակի է, գնանք երկու մոմ վառենք…