«Ազգային վերածնունդ» կուսակցության նախագահ Հայկ Խանումյանի պատմելով, Արցախում դեռ նախընտրական քարոզարշավը չսկսած, իշխանական կուսակցությունները սկսել էին օգտագործել վարչական լծակները:
Հիշեցնենք, որ Արցախում մեկնարկել է նախընտրական քարոզարշավը, մայիսի երեքին խորհրդարանական ընտրություններ են նշանակված:
Իսկ իշխանական կուսակցությունների կողմից վարչական լծակների կիրառման մասին այսօր ահազանգել էր նաեւ «Շարժում 88» կուսակցության շտաբի պետը:
«Մինչեւ նախընտրական փուլը սկսելը, իշխանական բոլոր կուսակցությունները ակտիվ նախընտրական քարոզարշավ էին անում, մարդկանց կուսակցական տոմսեր էին պարտադրում, եթերը լցված էր պոտենցիալ թեկնածուներով: Վարչական լծակներն անընդհատ օգտագործվում են: Սա նորություն չէ: Իշխանությունը մնում է իշխանություն այն որակներով, որ եղել է վերջին տարիներին»,- Aravot.am-ին ասաց Հայկ Խանումյանը:
Կարդացեք նաև
Մեր հարցին, թե նախընտրական քարոզարշավի ընթացքում հավասար լուսաբանում կա՞ բոլոր մասնակիցների հարցում, պարոն Խանումյանն ասաց՝ անհավասար լուսաբանում դեռ չի նկատել. «Ես քարոզարշավների եմ լինում ու մոնիտորինգին չեմ հետեւում, բայց մեր շտաբը հետեւում է ու կտեղեկացնի արդյունքը»:
Արփինե ՍԻՄՈՆՅԱՆ
