Ամբաստանյալ Էդիտա Ալիխանյանը, որն աշխատել է «Հայբիզնեսբանկում» որպես առաջատար մասնագետ, այսօր Կենտրոն եւ Նորք-Մարաշ վարչական շրջանների ընդհանուր իրավասության դարարանում առաջինն էր, որ ցուցմունք տվեց: Նա իրեն մեղավոր ճանաչեց ամբողջությամբ եւ ասաց, որ առանձնապես խոշոր չափի գումար՝ 400 հազար դոլար գումարի չափով, ստիպված է եղել տարբեր գործարքներ անելու միջոցով հափշտակել բանկից, քանի որ ամուսնու՝ այդ գործով ամբաստանյալ Տիգրան Հովհաննիսյանի եւ նրա պարտքատերերի կողմից սպառնալիքների հետ էին կապված: Ըստ ամբաստանյալի, նրանց սպառնացել են «Թոխմախի Կյաժը», «Կոմիտասի Ռուդոն», «Կլարի Գագոն», որոնք ըստ ամբաստանյալի պաշտպանի, նույնիսկ չեն հարցաքննվել նախաքննության մարմնի կողմից:
«Իրավիճակից ելնելով գնացել եմ այդ քայլին»,- արդարացավ ամբաստանյալը: Նա ասաց, որ հափշտակած գումարից իրեն ոչինչ չի մնացել, քանի որ ամբողջը տվել է ամուսնուն: Նա չի դիմել ոստիկանություն, քանի որ ըստ ամբաստանյալի, երկու տարի է՝ ինքը ազատազրկված է, իսկ այդ ընթացքում ոստիկանությունը որեւէ գումար չի վերականգնել:
Նաեւ դատարանում հայտարարեց, որ ոստիկանության աշխատակից ոմն Մանվել Հակոբյան, մի օր գալով իրենց տուն, սպառնաց, թե կտանի քաղմաս, «իսկ մի օր էլ անցավ իր լիազորությունները…»:
Կարդացեք նաև
Ամբաստանյալն ասաց, որ «Կլարի Գագոյին», ըստ Տիգրանի՝ պարտքը եղել է 250 հազար դոլարի չափով: Ամուսինը իբր մեքենաների առքուվաճառքով էր զբաղվել եւ պարտքերն էլ գոյացել են դրանից:
Ամբաստանյալն ասաց, որ արդեն սպառնալիքներին չդիմանալով, վախենալով ֆիզիկական անվտանգության համար, նա բանկում այնպիսի գործարք է արել, «որ բռնվի եւ ամեն ինչ խոստովանի»:
Մանրամասները՝ քիչ հետո:
Ռուզան ՄԻՆԱՍՅԱՆ
