Իսրայելի Քնեսեթի խոսնակ Յուլի Էդելշթայնը այսօր կոչ է արել վերանայել Հայոց ցեղասպանության վերաբերյալ Իսրայելի դիրքորոշումը եւ սպանությունները անվանել է «բարոյական բիծ» մարդկության վրա:
Jpost.com-ի փոխանցմամբ՝ Քնեսեթում ունեցած իր ելույթում նա, մասնավորապես ասել է. «Պատմությունը չի կարող փոխվել: Դիվանագիտությունն այլեւս չի կարող ստվերել աղետը»:
Այս հարցում Իսրայելի դիրքորոշումը Էդելշթայնը որակել է որպես «շատ տատանվող եւ չափազանց զուսպ: Գաղտնիք չէ, որ Իսրայելը ցեղասպանության վերաբերյալ հակասական դիրքորոշում է ընդունել: Որպես հրեաներ մենք չենք կարող լուռ մնալ: Մենք չեն կարող աչք փակել կամ նվազեցնել հայերի ողբերգության չափը»:
Պատրաստեց Աշոտ ԻՍՐԱԵԼՅԱՆԸ
