Արաբկիր եւ Քանաքեռ Զեյթուն վարչական շրջանների ընդհանուր իրավասության դատարանում մարտի 15-ին պետք է քննվեր Կարեն Դեմիրճյանի անվան մետրոպոլիտենի երեք նախկին աշխատակիցների գործն ընդդեմ Մետրոպոլիտենի:
Սակայն դատավոր Սիմիզար Հովսեփյանի օգնականը կողմին հայտնեց, որ դատական նիստը չի կայանալու, քանի որ դատավորը դեռ երեք սանկցիա պետք է լսի: Նա հավելեց, որ Մետրոպոլիտենի ներկայացուցիչները նաեւ դիմում են ներկայացրել դատական նիստը հետաձգելու համար, քանի որ առողջական խնդիրներ ունեն: Մետրոպոլիտենի նախկին աշխատակիցները վրդովվեցին, թե ինչո՞ւ դատավորը հենց իրենց նիստի ժամին, դա պետք է ասի:
Մանրամասները՝ տեսանյութում:
Կարդացեք նաև
Մետրոպոլիտենի երեք աշխատակիցները՝ Անդրանիկ Գրիգորյանը, Գագիկ Գալստյանը եւ Սեւակ Հովսեփյանը աշխատանքից ազատվել էին 2014 թվականի փետրվարի 14-ին՝ Աշխատանքային օրենսգրքի 113-րդ հոդվածի 6-րդ մասով՝ գործատուի կողմից պայմանագրի խզում՝ աշխատողի նկատմամբ անվստահության համար: Մինչ աշխատանքից ազատելը երեք աշխատակիցները մասնակցել էին Մետրոպոլիտենի առջեւ կազմակերպված «Դեմ եմ» նախաձեռնության ցույցին: Կողմը դատարան հայցը ներկայացրել էր 2014 թվականի մարտի 10-ին:
Ամի ՉԻՉԱԿՅԱՆ
