Միայն մայիս ամսվա վերջին երկու շաբաթվա ընթացքում ՀՀ մի շարք գերատեսչությունների համար պետբյուջեից մի քանի միլիոն դրամ է ծախսվել միայն ինքնաթիռի տոմս գնելու համար։ Ընդ որում՝ գնումները կատարվել են «մեկ անձից» սկզբունքով, ոչ թե մրցույթով։ Այս ամենը հրապարակված է կառավարության պաշտոնական կայքում։
Միայն մայիսի 18-ին եւ 19-ին ՀՀ տարբեր գերատեսչությունների կողմից կնքված պայմանագրերով ինչ-ինչ գործուղումներ իրականացնելու համար ՀՀ պետբյուջեի հաշվին գնվել է 5 մլն 963 հազար դրամի ավիատոմս, որոնց մեծ մասը բաժին է ընկնում արտաքին գործերի նախարարությանը։
Թե այդ գործուղումներից ինչ է շահում մեր պետությունը, դեռ հարց է, գործուղման մեկնողները՝ որ հաստատ ինչ-որ բան շահում են։
Միակ դրական հանգամանքը թերեւս այն է, որ գնված տոմսերի մեծ մասն այս դեպքում էկոնոմ դասի է, թեպետ, վճարված գումարների չափը տեսնելով, այդ «էկոնոմների» մեջ ինչ-որ «էկոնոմ» բան տեսնելը շատ դժվար է։
Վահե ՄԱԿԱՐՅԱՆ
Հոդվածն ամբողջությամբ կարող եք կարդալ «Հրապարակ» թերթի այսօրվա համարում
