Թուրքիայի Մարդու իրավունքների ընկերակցությունը Ստամբուլի հայկական որբանոց ճամբարի խնդիրը բարձրացնում է եվրոպական կառույցներում՝ Եվրախորհրդարանում և Եվրոպայի խորհրդում:
«Քամփ Արմեն» որբանոցը անցած մայիսին սկսել էին քանդել, բայց ակտիվիստները տեղում բողոքի ակցիաներ անցկացրեցին, որոնց արդյունքում շենքը քանդելու աշխատանքները դադարեցվեցին:
Թուրքիայի իրավապաշտպանները հայկական որբանոցի հարցը հիմա մտցնում են եվրոպական օրակարգ: Hurriyet Daily News-ի փոխանցմամբ՝ երեկ Մարդու իրավունքների ընկերակցության ներկայացուցիչների մամուլի ասուլիսում կազմակերպության գործադիր կոմիտեի անդամ փաստաբան Էրեն Քեսքինը ասել է, որ նամակներ են հղել Եվրոպայի խորհրդի մարդու իրավունքների հանձնակատար Նիլս Մուժնիեկսին և Եվրախորհրդարանում Թուրքիայի հարցերով զեկուցող Քաթի Փերիին՝ նրանց ուշադրությունը բևեռելով «Քամփ Արմեն» ճամբարի խնդրի վրա:
Հրաչ Մելքումյան
Նյութի մանրամասները կարդացեք «Ազատություն» ռադիոկայանի կայքում
