Քիչ առաջ ոստիկանության կենտրոնական բաժանմունքից դուրս եկան մի խումբ ցուցարարներ, որոնց թվում էր նաեւ Նարեկ Այվազյանը: Նա լրագրողների հետ զրույցում ասաց, որ ոստիկանության բաժանմունք բերելուց հարվածել են իր գլխին եւ կրծքավանդակին:
«Ես իրավունքները շատ լավ գիտակցում եմ եւ գիտեմ, որ ոստիկանության որոշումը հավաքները ցրելու մասին ոչ մեկիս չի հանձնվել: Ես անձամբ պահանջում էի, որ բոլորիս գրավոր ներկայացնեին, թե որոշումը ո՞վ է կայացրել, այսինքն՝ փաստաթուղթը չէին ներկայացրել: Ոչ մի գործողություն չի կատարվել, ուղղակի բերեցին եւ բաց թողեցին»,- ասաց նա:
Նարեկ Այվազյանը հավելեց, որ պայքարը պետք է շարունակվի, քանի որ չեն կատարվել ցուցարարների պահանջները: Հարցին, թե երեկոյան վերադառնալո՞ւ է Բաղրամյան պողոտա, նա պատասխանեց, որ դեռեւս տեղյակ չէ. «Ես անձամբ կշարունակեմ պայքարը: Չգիտեմ, թե իրավիճակը ինչ հուն կստանա: Ես անձամբ կարող եմ գնալ Բաղրամյան պողոտա եւ փորձեմ շարունակել, կարող եմ գնալ Ազատության հրապարակում շարունակել, բայց տեսնենք, թե ընդհանուր ինչ որոշում կկայացվի»:
Կարդացեք նաև
Ամի ՉԻՉԱԿՅԱՆ
