Ռուսաստանից հեռացած հայտնի գործարար, միլիարդատեր Գերման Ստերլիգովը ժամանել է Լեռնային Ղարաբաղի Հանրապետություն: Այս մասին «Интерфакс»-ի հետ զրույցում հաստատել է ԼՂՀ արտաքին գործերի նախարարի մամուլի քարտուղար Անի Սարգսյանը:
«Գերման Ստերլիգովը գտնվում է ԼՂՀ-ում: Նա ԼՂՀ ԱԳՆ-ի հյուպատոսական բաժնում գրանցվել է որպես տուրիստ»,- մասնավորապես ասել է Անի Սարգսյանը:
Ադրբեջանն այս կապակցությամբ կրկին իր դժգոհությունն է արտահայտել: Ադրբեջանի ԱԳ նախարարի մամուլի քարտուղար Հիքմեթ Հաջիեւը Vesti.az-ի հետ զրույցում ասել է, որ իր ներկայացրած կառույցն ուսումնասիրում է միլիարդատիրոջ այցելությունը Լեռնային Ղարաբաղ:
«Այս մարդը անօրինական այցելություն է կատարել Ադրբեջանի օկուպացված տարածքներ եւ դրանով իսկ խախտել է Ադրբեջանի Հանրապետության «Պետական սահմանի մասին» օրենքը: Համապատասխան հետազոտությունից հետո այս մարդը կներառվի անցանկալի անձանց ցուցակում»,- ասել է նա:
Կարդացեք նաև
Պատրաստեց Աշոտ ԻՍՐԱԵԼՅԱՆԸ
