Կառավարության հուլիսի 16-ի նիստի օրակարգից տեղեկանում ենք, որ Սյունիքի մարզի Սպանդարյան գյուղից «Հերակլեա» ընկերությանը, ՀԷԿ կառուցելու նպատակով հատկացված հողատարածքը հետ կվերցնեն եւ կտան գյուղացիներին:
Հողի կատեգորիան կփոխվի` դառնալով գյուղատնտեսության եւ անտառային նշանակության: Կառավարության նիստում տարածքային կառավարման եւ արտակարգ իրավիճակների նախարար Արմեն Երիցյանը վարչապետին կզեկուցի այս մասին` ասելով, որ ընկերությունը սահմանված ժամկետում` 3 տարում չի կատարել իր պարտավորությունները, իսկ ավելի ճիշտ` իրեն հատկացված հողատարածքը չի օգտագործել նպատակային նշանակությամբ:
Որոշման նախագծից տեղեկանում ենք, որ «Հերակլեա» ՍՊԸ-ն պետք է այդ տարածքում փոքր հզորության հիդրոէլեկտրակայանի գլխամասային հանգույց եւ օժանդակ կառույցների շինարարություն աներ:
Հողատարածքը կազմում է 0.1 հեկտար:
Կարդացեք նաև
Լուսինե ԲՈՒԴԱՂՅԱՆ
