Հասարակությունը ԶԼՄ-ներից տեղեկացավ, որ ՀՀ Քննչական կոմիտեն քրեական գործ է հարուցել և մեղադրանք է առաջադրել «Ստարտ Մեդիա» ՍՊԸ-ի տնօրեն Քրիստինե Խանումյանին: Խանումյանը հանդիսանում է «Ilur.am» լրատվական կայքի խմբագիրը: Քրգործի համար հիմք է հանդիսացել վերը նշված կայքում հրապարակված մի լուրի առնչությամբ աղբյուրի բացահայտման պահանջով դատական ակտը չկատարելը: Խանումյանի նկատմամբ խափանման միջոց է ընտրվել ստորագրությունը չհեռանալու մասին:
Վերջին շրջանում ԶԼՄ ներկայացուցիչների նկատմամբ բռնություններին (հունիսի 23-ի միջադեպը) գումարելով այս գործընթացը ակնհայտ կերպով ճնշում է գործադրվում լրատվամիջոցների նկատմամբ:
Կոչ ենք անում իշխանության ներկայացուցիչներին վերանայել իրենց մոտեցումները, քանի որ խոսքի ազատության դեմ ցանկացած ոտնձգություն չի բխում Հայաստանի Հանրապետության շահերից:
Լրատվամիջոցների նկատմամբ նմանատիպ քայլերը վտանգում են ոչ միայն ԶԼՄ-ների գործունեությունը, այլ նաև խարխլում ժողովրդավարության հիմքերը, քանի որ խոսքի ազատության դեմ ցանկացած դրսևորում հարված է ժողովրդավարական պետություն կառուցելու քաղաքացիների ձգտումներին:
Կարդացեք նաև
«Քաղաքացիական զարթոնք» ՀԿ
