Նոր Սահմանադրության նախագծում ամրագրված է, որ Ազգային Ժողովը կազմված է առնվազն 101 պատգամավորից: «101-ից պակաս չի կարող ունենալ, սա է հստակ»,- այսօր լրագրողների հետ հանդիպման ժամանակ պարզաբանեց Սահմանադրական բարեփոխումների մասնագիտական հանձնաժողովի անդամ Վարդան Պողոսյանը,
Սահմանադրական բարեփոխումների մասնագիտական հանձնաժողովի անդամ Հրայր Թովմասյանն էլ պարզաբանեց, որ տեսականորեն՝ ԱԺ-ն կարող է ունենալ 198 պատգամավոր, բայց գործնականում` 120-130:
Հրայր Թովմասյանը անդրադարձավ մեկ այլ խնդրահարույց դրույթի, այն է`ապագա ԱԺ-ում լինելու է ընդամենը երկու կուսակցություն: Ըստ Թովմասյանի`ԱԺ-ում կհայտնվեն բոլոր այն կուսակցությունները, որոնք առաջին փուլում էլ կհաղթահարեն ամրագրված շեմը: Բայց այս բոլոր ճշտումները ամրագրվելու են Ընտրական օրենսգրքով:
Aravot.am-ի հարցին`արդյոք փորձ չի արվում արհեստականորեն մեծամասնություն ձեւավորել, Հրայր Թովմասյանը պատասխանեց. «Խորհրդարանական կառավարման համակարգին ուղղված հիմնական քննադատությունը, որ հնչում է, անկայունությունն է: Բայց բոլոր երկրները, որոնք խորհրդարանական կառավարման համակարգ են ընտրել, այս կամ այն կերպ խրախուսում են մեծամասնության ձևավորումը` ստանում են լրացուցիչ մանդատ և այլն: Այսինքն` բոլոր այս համակարգերու կայունության խնդիրը դրված է»:
Կարդացեք նաև
Նելլի ԳՐԻԳՈՐՅԱՆ
