Մնացյալ հարցերն ընդդիմադիր պատգամավորը դրան ածանցյալ է համարում
Սահմանադրական բարեփոխումների նախագծում ԱԺ ընտրությունների` երկրորդ փուլի մասին առաջարկը բուռն քննադատության է արժանանում անգամ այն քաղաքական ուժերի կողմից, որոնք մասնակցում են սահմանադրական բարեփոխումների շուրջ հանրային բանավեճին` նաև իրենց անհամաձայնությամբ որոշ դրույթների առնչությամբ: Իսկ Վենետիկի հանձնաժողովն էլ օրերս առաջարկել է այդ դրույթը Սահմանադրությունից հանել և տեղափոխել Ընտրական օրենսգիրք: Մինչդեռ սահմանադրական բարեփոխումների հանձնաժողովի անդամներ Վարդան Պողոսյանն ու Հրայր Թովմասյանը տարբեր հարցազրույցերում շարունակում են պնդել, որ դրույթը տեքստից չի հանվելու:
ԱԺ «Ժառանգություն» ընդդիմադիր խմբակցության պատգամավոր Թեւան Պողոսյանն այս առիթով Aravot.am-ի հետ զրույցում նկատեց, որ խնդիրն, այնուամենայնիվ, հանգում է ընտրական համակարգում մեր ունեցած բացերին. «Ունենք անվստահելի ընտրական համակարգ ու մինչեւ վստահությունն ընտրական համակարգի նկատմամբ չվերականգնենք, դա կլինի երկրորդ փուլի ընտրություններ, նոր ընտրություններ եւ այլն, խնդիրը մնալու է չլուծված»: Մնացած հարցերը ընդիմադիր պատգամավորը համարում է տեխնիկական` պնդելով, որ գլխավոր խնդիրը եղել եւ մնում է ընտրությունների արդյունքների վերաբերյալ հասարակության անվստահությունը:
Կարդացեք նաև
Նելլի ԳՐԻԳՈՐՅԱՆ
«»
՞
