Հիմնադիր խորհրդարանն ահազանգել էր, որ ռուսաստանաբնակ իրենց աջակիցներից մեկին՝ ուսանողուհի Սյուզի Գեւորգյանին դարանակալել եւ ծեծի են ենթարկել:
Այդ առնությամբ այսօր «Նոյյան տապան» ակումբում Հիմնադիր խորհրդարանի անդամ Գեւորգ Սաֆարյանն ասաց. «Հայաստանը տոտալիտար պետության է վերածվել: Սա բնորոշ է միայն նման պետություններին՝ ինչ-որ հարցեր բարձրաձայնողին ծեծել, ահաբեկել, վախեցնել: Ինչ վերաբերում է մեր աջակցի նկատմամբ կատարած գործողությանը, աննախադեպ էր դա, որովհետեւ արդեն նման ահաբեկում տեղի ունեցավ երիտասարդ աղջկա նկատմամբ:
Եթե մենք սրանից առաջ տեսել ենք, որ ոստիկանությունը ցույցերի ժամանակ կարող է աղջիկներին նաեւ կոպիտ վերաբերվել, ապա դարանակալել եւ աղջկան ծեծել՝ սա առաջին դեպքն էր: Կրկնակի դատապարտելի է նման գործողությունը»:
Կարդացեք նաև
Հիմնադիր խորհրդարանի անդամ Կարո Եղնուկյանը հիշեցրեց, որ վաղը այդ աղջկա նկատմամբ բռնության դեմ բողոքի ցույց են կազմակերպել. «Բարոյական սահմաններ կան: Մենք հայերս, կենացներ ենք խմում, երեխաների, կանանց կենացը ծնկաչոք ենք խմում, բայց եկեք տեսեք, որ ոստիկանները 18-20 տարեկան երիտասարդ աղջնակի վրա ձեռք են բարձրացնում: Փառք Աստծո, որ չեն բոքսել, թեեւ հարվածել են գլխին: Դա արդեն սահմաններն անցնել է: Հաջորդ անգամ չզարմանանք, եթե մահակով կամ բոքսով հարվածեն աղջնակին: Քայլ առ քայլ սրան ենք գնում: Եվ մեր բարոյական հասարակությունը եթե սա թույլ է տալիս, հաջորդը մահակով են հարվածելու»:
Հռիփսիմե ՋԵԲԵՋՅԱՆ
սիրելի Կարո,
ջահել աղջկան վրայ ձեռք բարձրացնողի ձեռքը թող կոտրվի.
հազար ամօթ իրեն, փի՛ւհ
սակայն, ղուրպան,
18-20 ՏԱՐԵԿԱՆ ԱՂՋԻԿԸ Ի՞ՆՉ ԳՈՐԾ ՈՒՆԻ ԱՅՍՊԻՍԻ ՎՏԱՆԳԱՒՈՐ, ՊԱՅԹՈՒՑԻԿ ԿԱՑՈՒԹԻՒՆՆԵՐՈՒ ՄԷՋ !
իբր «կենդանի վահա՞ն» էք գործածում, ակաս…
մարտախարական նպատակներով ուզում էք որ երեխաներ վնասվի՞ն
լրջանանք, Աստուծոյ սիրոյն