Կենտրոն եւ Նորք-Մարաշ վարչական շրջանների ընդհանուր իրավասության դատարանում դատավոր Արմեն Բեկթաշյանի նախագահությամբ սկսվեց Հայկ Կյուրեղյանի գործով դատական վիճաբանությունների փուլը:
Հայկ Կյուրեղյանը դատական նիստին ներկա չէր:
Դատական նիստի ընթացքում մեղադրող Հարություն Սարգսյանը կարդաց մեղադրական ճառը: Նա միջնորդեց Հայկ Կյուրեղյանին մեղավոր ճանաչել եւ դատապարտել 14 տարի ազատազրկման:
Դատական նիստը հետաձգվեց մինչեւ սեպտեմբերի 11-ը:
Կարդացեք նաև
Հիշեցնենք՝ մեղադրանք է առաջադրվել այն բանի համար, որ նա 2014 թ. հունիսի 12-ին, գտնվելով նույն դատարանի առջեւի հասարակական վայր համարվող հատվածում, բողոքի ակցիա իրականացնող քաղաքացիների շարքում, կոպիտ կերպով խախտել է հասարակական կարգը՝ որպես զենք օգտագործվող առարկայով` իր մոտ պահվող «Մակարով» տեսակի օդամղիչ ատրճանակով կրակոցներ արձակել:
Ամի ՉԻՉԱԿՅԱՆ
Ամո՜թ, հազար ամոթ դատախազությանը: Միթե՞ սա էլ է վերածվելու հայկական արդարադատության հերթական խայտառակության: