«Իրատեսը» զրուցեց ԱԺ պետաիրավական հարցերի մշտական հանձնաժողովի նախագահ Հովհաննես Սահակյանի հետ։
– Ընդդիմադիրները չեն դադարում պնդելուց, որ այս ողջ գործընթացը մեկ նպատակ ունի՝ իշխանության վերարտադրություն։ Նոր Սահմանադրությունը լուծում է նաև ա՞յս հարցը։
– «Վերարտադրվել» բառը դարձրել են «բոբո»։ Բոլոր կուսակցություններն էլ փորձում են վերընտրվել, իսկ վերընտրողը ժողովուրդն է։ Երբ ընդդիմությունից նման տեսակետ եմ լսում, այնպիսի տպավորություն ունեմ, թե Սահմանադրության 85-րդ հոդվածը սահմանում է, որ ՀՀԿ-ն առաջիկա տասը տարում լինելու է կայուն մեծամասնություն։ Այնինչ բոլոր մեխանիզմները ստեղծված են, որ ժողովուրդը գնա ու ընտրի կայուն մեծամասնությանը։ Պետք չէ քաղաքական շեշտադրումներով ժողովրդին թյուրիմացության մեջ գցել։
Ընդդիմությունը մշտապես վերահսկողական մեխանիզմներից է խոսում, հրապարակված տեքստից պարզ է դառնում, թե որքան շատ վերահսկողական գործառույթներ են տրված ընդդիմությանը։
Կարդացեք նաև
– Ընդդիմությունը պատրաստվում է «Ոչ»-ի ճակատով տապալելու այս բարեփոխումները։ Ի դեպ, Լևոն Տեր-Պետրոսյանն էլ պատրաստվում է այս հարցով մարդկանց փողոց հանելու։
– Ես գերադասում եմ առաջին նախագահի ասածները չմեկնաբանել, ով մի օր հանկարծ բացել էր անձնագիրը ու պարզել, որ չի կարող մասնակցել ՀՀ նախագահի ընտրություններին։
Մենք ինքներս «Հանրաքվեի մասին» օրենքով «Ոչ»-ին բավականին մեծ լիազորություններ ենք տվել, այլ խոսքով՝ գրեթե հավասար պայմաններում են «Այո»-ն և «Ոչ»-ը։ Եթե ձեռնարկել ենք այս փոփոխությունները, ուրեմն հասկացել ենք, որ միակողմանի ոչինչ չի լինում։ Ժամանակն է, որ հասկանանք՝ «այո»-ի ու «ոչ»-ի մեջտեղում է ճշմարտությունը։
Ռուզան ԽԱՉԱՏՐՅԱՆ
Հոդվածն ամբողջությամբ կարող եք կարդալ «Իրատես de facto» թերթի այսօրվա համարում
