Երևանի քաղաքապետարանը չեղյալ չի հայտարարի Էրեբունի-Երևան տոնակատարության անցկացումը։ Այս մասին այսօր հայտարարել է քաղաքապետի տեղակալ Արամ Սուքիասյանը. «Այս տարի պետական միջոցներից տոնակատարության համար հատկացվել է 130 մլն դրամ գումար։ Քաղաքապետարանում քննարկվել է միջոցառումը չեղյալ հայտարարելու հարցը։ Սակայն սահմանամերձ գյուղերը Երևանի վարչական տարածքից դուրս են, հետևաբար՝ քաղաքապետարանը լիազորություն չունի այն ուղղելու սահմանամերձ գյուղերին»,-նշեց նա։
Քաղաքապետի տեղակալը վստահ է, որ տոնն անպայման պետք է նշվի. «Քանի որ Երևանը համայն հայության մայրաքաղաքն է։ Մենք օտար պետության ջրաղացին ջուր չպետք է լցնենք»։
Մանրամասները՝ սկզբաղբյուր կայքում:
Եթե սահմանամերձ գյուղերը Երեւանի վարչական շրջանից դուրս են, ապա Երեւանի տրանսպորտի՝իրականում “մարշրուտկաների” ողբալի վիճակը, քաղաքին կենսականորեն անհրաժեշտ անտառապատ տարածքների բացակայությունը, քաղաքում Կոնդ, Սարի թաղ թաղամասերի՝իրականում միջնադարյան խղճուկ հյուղակներ հիշեցնող խնդիրը ԵՒՍ ԵՐԵՒԱՆԻ ՎԱՐՉԱԿԱՆ ՇՐՋԱՆԻՑ ԴՈՒ՞ՐՍ Է: Իսկ այս տարի ցեղասպանության հարյուրամյա տարելիցը եւս քաղաքի վարչական շրջաններից դուրս է: Սա պետական մտածելակերպ չի: