Լրահոս
Օրվա լրահոսը

Մամեդյարովը Կարմիր խաչից պահանջել է, որ հետաքննեն Ղարաբաղում սիրիահայերի բնակեցման դեպքերը. Moscow-Baku.ru

Հոկտեմբեր 13,2015 18:38 Share
Աջակցեք aravot.am-ին

Ադրբեջանի արտաքին գործերի նախարար Էլմար Մամեդյարովն ընդունել է Կարմիր խաչի միջազգային կոմիտեի Եվրոպայի եւ Կենտրոնական Ասիայի տարածաշրջանային ղեկավար Պատրիկ Վիալին: Այս տեղեկությունը հաղորդել է Moscow-Baku.ru կայքը:

ԿԽՄԿ պաշտոնյան նշել է, որ հասկանում է ադրբեջանական կողմի անհանգստությունը գերեւարված կամ անհայտ կորած անձանց հարցերով եւ նշել է, որ այդ մարդկանց ընտանիքները իրավունք ունեն իրենց հարազատների մասին տեղեկատվություն ստանալ: Նա նաեւ հույս է հայտնել, որ 2014 թվականին Հայաստանի ու Ադրբեջանի նախագահների Փարիզում տեղի ունեցած հանդիպման ընթացքում այս հարցով ձեռք բերված պայմանավորվածությունները կնպաստեն այս գործընթացում առաջխաղացում գրանցելուն:

Էլմար Մամեդյարովն էլ իր հերթին ասել է, որ 4.000 ադրբեջանցիներ պաշտոնապես կորած են համարվում: Ադրբեջանի ԱԳՆ ղեկավարը նշել է, որ միջազգային կազմակերպությունները եւ ԵԱՀԿ Մինսկի խմբի համանախագահները պետք է ջանքեր գործադրեն Լեռնային Ղարաբաղում ազատազրկված դիվերսանտներ Դիլհամ Ասկերովին եւ Շահբազ Գուլիեւին Ադրբեջան վերադարձնելու համար

Մամեդյարովը նաեւ անդրադարձել է սիրիահայերին Լեռնային Ղարաբաղում բնակեցնելու դեպքին եւ նշել, որ դա հակասում է միջազգային հումանիտար իրավունքին եւ այդ հարցով ԿԽՄԿ-ն պետք է հետաքննություն անցկացնի:

Պատրաստեց Աշոտ ԻՍՐԱԵԼՅԱՆԸ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Մեկնաբանություններն անջատված է: