Եվրոպայի խորհուրդը հրապարակել է «Փողերի լվացման դեմ եւ ահաբեկչության ֆինանսավորման դեմ պայքարի միջոցները Հայաստանում» զեկույցի 5-րդ փուլի արդյունքները: ԵԽ փորձագետները Հայաստանում փողերի լվացման դեպքերի հետաքննության եւ քրեական հետապնդման ընթացակարգերում զգալի թերություններ են հայտնաբերել եւ կոչ են արել իշխանություններին անհապաղ գործողություններ կատարել, որպեսզի իրավապահների ջանքերն ամբողջությամբ համահունչ լինեն փողերի լվացման ռիսկերին:
Ընդհանուր առմամբ Հայաստանը պատշաճ առաջընթաց է գրանցել իրավական դաշտի հաստատման գործում եւ ֆինանսական հատվածն արդյունավետ կանխարգելիչ միջոցառումների է տիրապետում: Ահաբեկչության ֆինանսավորումը եւ տարածումը հայտնաբերելու եւ կանխելու մեխանիզմները մեծամասամբ արդյունավետ են:
Խարդախությունը, հարկերից խուսափելը, մաքսանենգությունը եւ հափշտակությունը փողերի լվացման տեսանկյունից ամենամեծ վտանգն են պարունակում: Հայաստանի տնտեսությունը, բանկային համակարգը եւ անշարժ գույքի շուկան ամենախոցելին են փողերի լվացման համար: Ֆինանսական ինտելեկտը շատ արդյունավետ է, բայց իրավապահներն այն արդյունավետ կերպով չեն օգտագործում, որպեսզի ապացույցներ, հետքեր գտնելու եւ փողերի լվացման հանցավոր ճանապարհով ստացած եկամուտը բռնագրավելու համար:
Պատրաստեց Աշոտ ԻՍՐԱԵԼՅԱՆԸ
Կարդացեք նաև
