Այս թանձրուկը (սոուսը) հրաշալի համադրվում է ե՛ւ մսի, ե՛ւ ձկան, ե՛ւ հավի, ե՛ւ բանջարեղենի հետ: Այն այնքան համեղ է, որ կարող է լավ նախուտեստ լինել՝ հացի կամ կրեկերների վրա քսած վիճակում: Իսկ պատրաստելը րոպեների հարց է:
Անհրաժեշտ մթերքները
Կարմիր թարմ պղպեղ- 5-7 հատ
Սխտոր- 1-2 պճեղ
Կարդացեք նաև
Ձիթապտղի յուղ- 2-3 ճաշի գդալ
Ֆետա պանիր- 50-100 գրամ (կախված այն բանից, թե որքա՞ն աղի եք ուզում լինի թանձրուկը)
Պատրաստման եղանակը
Կարմիր պղպեղն ու սխտորը խորովեք:
Մաքրեք եւ լցրեք բլենդերի մեջ, ավելացրեք ձիթապտղի յուղն ու ֆետա պանիրը եւ լավ հարեք:
Լցրեք ապակե տարայի մեջ եւ դրեք սառնարան 1-2 ժամով: Վերջ. թանձրուկը պատրաստ է: Եթե ցանկանում եք այն որոշակի կծվություն ունենա, ըստ ճաշակի ավելացրեք աղացած չիլի կամ մի քանի կաթիլ «Տաբասկո»: Թանձրուկը կարող եք մատուցել կարտոֆիլի պյուրեի հետ, խորոված բանջարեղենի, ցանկացած մսեղենի հետ:
Բարի ախորժակ:
Պատրաստեց Մելանյա ԲԱՐՍԵՂՅԱՆԸ
«Առավոտ» օրաթերթ
06.02.2016
«թանձրուկ» բառը շատ հաւնեցայ
կ’աւելցնեմ բառամթերքիս
մէկ յաղթանակ եւս, օտար լեզուների վրայ