Նախկինում ձեր ուշադրությանը ներկայացրել եմ առանց աղի մարինացված ձուկը եւ նարնջով եւ աղով մարիանացված ձուկը: Այսօրվա տարբերակը մի փոքր այլ է: Ահա այսպիսի գեղեցիկ եւ յուրահատուկ տեսք կարող է ստանալ մեր մարինացված ձուկը, եթե համեմենք նաեւ բազուկով: Համն էլ շատ նուրբ ու հաճելի է ստացվում:
Անհրաժեշտ մթերքները
Սաղմոնի կամ իշխանի ֆիլե-300 գրամ (կարող եք վերցնել նաեւ պարզապես կտրատած ձուկ)
Բազուկ- 1 խոշոր կամ 2 մանր
Կարդացեք նաև
Կիտրոն- 1 խոշոր
Աղ (ցանկալի է ծովի աղ)- 1 լիքը ճաշի գդալ
Եղեգնաշաքար (ցանկալի է մոսկովադո տեսակի, որը յուրահատուկ համ, բույր եւ գույն կհաղորդի մարինադին)- 2 ճաշի գդալ, եթե չունեք եղեգնաշաքար, վերցրեք սովորական շաքար, բայց՝ 1 ճաշի գդալ
Համեմի չաղացած սերմեր-1 թեյի գդալ
Սեւ հատիկ պղպեղ-կես թեյի գդալ
Չորացրած համեմի սերմ- մի բուռ կամ թարմ համեմ- մի քանի ճյուղ
Դափնու տերեւ- 2-3 հատիկ
Պատրաստման եղանակը
Բազուկը կեղեւահանեք, լավ լվացեք, քերեք խոշոր անցքերով քերիչով: Բազուկին ավելացրեք մնացած բոլոր համեմունքները: Կիտրոնը լվացեք, շերտատեք: Թարմ սամիթը լվացեք, չորացրեք: Ապակյա տարայի հատակին լցրեք մարինադի մի մասը, կտրատած կիտրոնի կեսը: Վրան դրեք կաշին հանած ձուկը: Ձկան վրա լցրեք մնացած մարինադը եւ կիտրոնի կտորները: Ծածկեք պոլիէթիլենային թաղանթով, վրան ծանրություն դրեք եւ 2-7 օրով դրեք սառնարան:
Որքան երկար մնա, այնքան վառ կարմիր գույն կստանա, բայց նաեւ կաղիանա:
Մարինադից հանելուց հետ ցանկալի է պահել ապակյա տարայի մեջ՝ ձիթապտղի յուղով: Այդպես համ հավելյալ աղիությունը կանցնի, համ ավելի նրբահամ կդառնա: Շատ հարմար է սուշի ռոլեր պատրաստելու, սենդվիչների, աղցանների մեջ օգտագործելու համար:
Պատրաստման մանրամասները՝ տեսանյութում.
Բարի ախորժակ:
Պատրաստեց Մելանյա Բարսեղյանը
