«Ընդհանուր տեխնիկական հարցեր են մնացել, կպայմանավորվենք`դուք տեղյակ կլինեք»,- խորհրդարանում լրագրողների հետ զրույցում ասաց ՀՀԿ խմբակցության ղեկավար Վահրամ Բաղդասարյանն`անդրադառնալով ՀՀԿ-ՀՅԴ համագործակցությունը պաշտոնապես ազդարարելուն վերաբերվող հարցին:
Հիշեցնենք, արդեն մի քանի օր է արտահոսքեր են լինում, թե երեկոյան ստորագրվելու է համագործակցության փաստաթուղթ: Այն, սակայն, դեռ չի ստորագրվում:
Ի դեպ, անցած հինգշաբթի օրը կայացած ՀՀԿ ԳՄ նիստի ավարտից հետո, ՀՀԿ մամուլի խոսնակ, ԱԺ փոխնախագահ Էդուարդ Շարմազանովը հայտարարել էր, որ մինչեւ շաբաթվա վերջ ամեն ինչ հստակ կհայտարարվի:
«Մի անհանգստացեք, միայն տեխնիկական խնդիրներ են»,- ասաց Վահրամ Բաղդասարյանը`արձագանքելով դիտարկմանը, որ համաձայնությունները ձգձգվում են:
Կարդացեք նաև
Հարցին`իսկ պաշտոնները հստակեցվեցին՞, նա պատասխանեց. «Պաշտոնները միայն ձեզ են հետաքրքրում, մեզ բացարձակապես չեն հետաքրքրում»:
Ճշտող հարցին`իսկ ՀՅԴ-ի՞ն, նա հորդորեց հարցնել ՀՅԴ-ից:
Նելլի ԳՐԻԳՈՐՅԱՆ
