«Նուբարաշեն» ՔԿՀ-ում պատիժը կրող Արթուր Միքայելյանը Tert.am-ին ասել էր, որ վիրավորված է ԱԺ «Ժառանգություն» խմբակցության պատգամավոր Զարուհի Փոստանջյանից, քանի որ նա չի արձագանքում իր նամակին, որում կալանավորը ինչ-ինչ խնդիրներ է առաջադրել:
Զարուհի Փոստանջյանն այսօր «Հայ գիրք» գրախանութում տեղի ունեցած գրքերի շնորհանդեսի ժամանակ Aravot.am-ին ասաց, որ չգիտի` ինչ նամակի մասին է խոսքը եւ նշյալ անձից նամակ չի ստացել:
«Առաջին անգամ Ձեզանից եմ լսում այդ մասին: Եթե նա նշած լիներ` ինչ խնդիր է, ահազանգեր…Բայց Չեմ ստացել նման նամակ: Շատ լավ է, որ գրել է խնդիրների մասին: Նույն կերպ նա կարող էր նամակը ոչ թե ինձ ուղարկել, այլ Մարդու իրավունքների պաշտպանին եւ այլ հասարակական կազմակերպություններին»,-ասաց տիկին Փոստանջյանը:
Լուիզա ՍՈՒՔԻԱՍՅԱՆ
