«Արդեն հրապարակվե՞լ է: Տեղյակ չէի: Չեմ ծանոթացել: Երբ ծանոթանանք, քննարկենք, որոշում կայացնենք՝ կտեղեկացնենք»,- սա «Ղարաբաղ» կոմիտեի նախկին անդամ Աշոտ Մանուչարյանի արձագանքն է մեր հարցին`ի՞նչ կարծիք ունի «Նոր Հայաստան» հանրային ճակատի`երեկ հրապարակած իշխանափոխության ճանապարհային քարտեզի մասին:
Ճանապարհային քարտեզը երեք կետ է նախատեսում` հեռացնել վարչախմբին, անցումային կառավարում իրականացնել, արտահերթ ընտրություններ անցկացնել: Առաջին`վարչախմբին հեռացնելը «Նոր Հայաստանում» այսպես են պատկերացնում` քաղաքական եւ հասարակական ուժերը միավորվում են, ապա՝ ներգրավում ժողովրդական լայն զանգվածներին, հետո արդեն, արտահերթ ընտրություններ անցկացնելու պահանջով, ժողովուրդը վերջնագիր է ներկայացնում «ռեժիմի պարագլուխներին»:
Քարտեզի իրականացման ճամնապարհին նախատեսվում են նաեւ քաղաքացիական անհնազանդության միջոցներ՝ վարչական շենքերի շրջափակում, ճանապարհների ու փողոցների փակում: «Նոր Հայաստան»-ը ծրագրում է Սահմանադրական դատարանի միջոցով արգելել նաեւ իշխող ՀՀԿ-ի գործունեությունը:
Կարդացեք նաև
Մի քանի օր առաջ «Նոր Հայաստան»-ի ղեկավարներից Ժիրայր Սեֆիլյանը հայտարարել էր, որ համազգային մոբիլիզացիայի երրորդ փորձն են անելու: Բանակցություններ են սկսելու Ստեփան Դեմիրճյանի ղեկավարած ՀԺԿ-ի, ՀԱԿ-ի, «Քաղաքացիական պայմանագրի», Աշոտ Մանուչարյանի, ԱԻՄ-ի, «Նոր ժամանակներ» կուսակցության մի քանի այլ գործիչների, քաղաքացիական հատվածի հայտնի եւ ոչ հայտնի անձնավորությունների հետ:
«Նոր ժամանակներ» կուսակցության նախագահ Արամ Կարապետյանն Aravot.am-ի հետ զրույցում ասաց, որ իր հետ նման հարցով դեռ ոչ ոք չի բանակցել, ինքն էլ հրապարակված ճանապարհային քարտեզից տեղյակ չէ: Նա դեռ Մոսկվայում է, Երեւան կվերադառնա մոտ օրերս:
Հայաստանում չէ նաեւ ԱԻՄ նախագահ Պարույր Հայրիկյանը: Նա Հայաստանում կլինի երկու շաբաթից: Իր կուսակիցները եւս տեղյակ չէին «Նոր Հայաստանի» հրապարակած գործողությունների պլանից: Այս առիթով Պարույր Հայրիկյանին հարցեր ենք ուղղել էլեկտրոնային տարբերակով: Մեկ-երկու օրվա ընթացքում, հուսով ենք՝ պատասխանները կստանանք:
«Քաղաքացիական պայմանագիր» կուսակցության վարչության անդամ, ընդդիմադիր պատգամավոր Նիկոլ Փաշինյանն էլ «Ազատություն» ռադիոկայանի հետ զրույցում ասել էր, որ վարչությունը կքննարկի ներկայացված ճանապարհային քարտեզը, համապատասխան արձագանք կտա, բայց ինքը, անձամբ ծանոթանալով փաստաթղթին, «նոր բաղադրիչ» այնտեղ չի գտել: Ըստ Փաշինյանի, ճանապարհային քարտեզում նկարագրված է այն, ինչի մասին Հայաստանի ընդդիմությունը հայտարարում է 20 տարի շարունակ:
Նելլի ԳՐԻԳՈՐՅԱՆ
ինչ ա եղել… դուք հելե մէյ մը իրենց հետեւեցէք,
յետոյ, ճամբի ընթացքին, ձեզ կը բացատրեն
պէտք է նաեւ զգուշանալ, սկզբից չյայտնել ամէն բան, որպէսզի թշնամին յանկարծ չօգտվի տեղեկութիւնից, խուճապի մէջ գտնվող դաժան հակառակորդը չկանխէ գալիք, ճակատագրական հարվածները
ամէն դէպքում,
ահա թէ ուր է տանում – նորէն – այդ քարտեզն ու ճանապարհը՝
https://www.youtube.com/watch?v=K49NaFf6i_E
(իսկ վերջին պահին,
ամէն մարդու համար բաւարար թիւով պարաններ չկան…)