ԵԱՀԿ խորհրդարանական վեհաժողովի Ժողովրդավարության հարցերով հանձնաժողովի նախագահ, մարդու իրավունքների և մարդասիրական հարցերով զբաղվող Իզաբել Սանթոսը և ԵԱՀԿ խորհրդարանական վեհաժողովի հարավային Կովկասի հատուկ ներկայացուցիչ Կրիստիան Վիգենը ողջունել են Ադրբեջանի Գերագույն դատարանի որոշումը՝ մարդու իրավունքների հանրահայտ պաշտպան Ինթիգամ Ալիևին ազատ արձակելու վերաբերյալ։
ԵԱՀԿ խորհրդարանական վեհաժողովի Ժողովրդավարության հանձնաժողովի նախագահ Սանթոսը մասնավորապես ասել է. «Հույս ունեմ, որ Ալիևն այժմ հնարավորություն կունենա վերադառնալ իր աշխատանքին՝ պաշտպանել Ադրբեջանում այդ երկրի քաղաքացիների քաղաքացիական ազատությունը»։
ԵԱՀԿ խորհրդարանական վեհաժողովի հարավային կովկասի հատուկ ներկայացուցիչ Կրիստիան Վիգենն իր հերթին նշել է. «Ես ողջունում եմ Ինթիգամ Ալիևի ազատ արձակումը, որը տեղի ունեցավ մարտի 17-ին Ադրբեջանում հայտարարված համաներումից հետո։ Սա հավաստում է, որ Ադրբեջանի կառավարությունը պատրաստ է հաշվի նստել ոչ միայն միջազգային հանրության, այլև սեփական ժողովրդի հետ»։
Հիշեցնենք, որ Ադրբեջանում մարդու իրավունքների հայտնի պաշտպան Ինթիգամ Ալիևը ձերբակալվել էր 2015թ. ապրիլին՝ ֆինանսական խարդախության մեղադրանքով և ազատ է արձակվել 2015թ. մարտի 17-ին՝ Նովրուզի կապակցությամբ Ադրբեջանի նախագահ Իլհամ Ալիևի հայտարարած համահանրապետական համաներմամբ։
