ՌԴ Արտաքին գործերի նախարարության պաշտոնական կայքէջը հրապարակել է Իլհամ Ալիեւի հետ ապրիլի 6-ին Բաքվում հանդիպման ընթացքում Լավրովի ներածական խոսքը, որտեղ նա Վլադիմիր Պուտինի անունից ասել է. «Նա, ի դեպ ամենաջերմ ողջույններն է հղում Ձեզ եւ հիշեցնում, որ Դուք հրավիրված եք Մոսկվա»:
Այս կապակցությամբ «Նոր ժամանակներ» կուսակցության նախագահ Արամ Կարապետյանը Aravot.am-ի հետ զրույցում մեկնաբանեց, որ իր կարծիքով՝ սա ավելի շատ դիվանագիտական խնդիրների հետ է կապված. «Կարծում եմ նույն ջերմ վերաբերմունքը եւ ողջույնները կփոխանցեր Սերժ Սարգսյանին: Դրանք այդքան չեմ կարեւորում: Ինձ համար նման գործընթացները կարեւոր չեն, հիշեցնեմ, որ Էրդողանին մի 2 տարի առաջ Վլադիմիր Պուտինը փաթաթված էր ման գալիս, սա` ուղղակի, օրինակի համար եմ ասում»:
Անուշ ՄԱԹԵՎՈՍՅԱՆ
