Դիվանագիտության բնույթից եւ աշխատաոճից ելնելով՝ ոչ ամեն ինչի մասին է հրապարակվում կամ հայտարարվում: Պարզվում է՝ Ռոգոզինի հայտարարության հետ կապված նախարարությունը զրույցներ է ունեցել ՌԴ ղեկավարության հետ:
«Ազատ դեմոկրատներ» կուսակցության նախագահ Խաչատուր Քոքոբելյանն այսօր ԱԺ-կառավարություն հարցուպատասխանի ժամանակ արտգործնախարար Էդվարդ Նալբանդյանին հիշեցրեց, որ Անվտանգության խորհրդում նախագահ Սարգսյանը հանձնարարական էր տվել արտգործնախարարությանը ԼՂՀ-ի հետ համատեղ պատրաստել ռազմական փոխօգնության պայմանագիր: Նա հարցրեց, թե ի՞նչ քայլեր են արվել այդ ուղղությամբ:
Նա նաեւ հիշեցրեց Ռոգոզինի հայտնի հայտարարությունը, որը հնչեցրել էր պատերազմական ծանր օրերին՝ ՌԴ-ն շարունակելու է զենք մատակարարել Ադրբեջանին:
Պարոն Քոքոբելյանը հարցրեց՝ այդ հայտարարության հետ կապված ի՞նչ քայլեր են արվել: Նախարարը պատասխանեց. «ՀՀ նախագահի հանձնարարականն ընթացքի մեջ է: Ինչ վերաբերվում է Ռոգոզինի հայտարարություններին, դիվանագիտության բնույթից եւ աշխատաոճից ելնելով՝ ոչ ամեն ինչի մասին է հրապարակվում կամ հայտարարվում: Ինչ հայտարարվում է, դա մի մասն է: Չէի ասի՝ չնչին մասն է, մենք բավականին հրապարակում ենք, վերջին շրջանում մի քանի անգամ հայտարարություններ են եղել արտգործնախարարության, հաղորդագրություններ, հարցազրույցներ նախարարի, փոխարտգործնախարարների եւ այլն: Բայց կան հանդիպումներ, զրույցներ, որոնց մասին ինչ-ինչ պատճառներով նախընտրելի է լինում չհրապարակել: Այդ կապակցությամբ, ինչի մասին դուք ասացիք, այդպիսի զրույցներ եղել են, հանդիպումներ եղել են եւ կարծիքներ եղել են»:
Կարդացեք նաև
Քոքոբելյանն էլ արձագանքեց՝ լավ է, որ խոսակցություններ են եղել Ռոգոզինի մասով, բայց լավ կլիներ, որ հրապարակային լիներ: Նախարարն էլ պատասխանեց. «Ինչքան ես գիտեմ Ռոգոզինը հանեց իր ֆեյսբուքից այն հաղորդագրությունը, այն գրառումը, որ արել էր»:
Հռիփսիմե ՋԵԲԵՋՅԱՆ
Հասնել նրան, որ շովինիստ մի ռուս պաշտոնյա ֆոյսբուքային իր էջից հանի “դաշնակցի” իր դերին ոչ հարիր մի արտահայտություն, դա անշուշտ ֆենոմենալ դիվանագիտական հաղթանակ է, որի համար պարոն ԱԳ նախարարին պետք է արժանացնել պետական ամենաբարձր պարգևատրման: Կեցցե:
Մի հատ արագացրեք և փոխօգնության պայմանագիրը կնքեք․․․․ խելքներդ գլուխներդ հավաքեք։