«Արմենիա Մարիոթ» հյուրանոցում ընթացող Եվրոպայի ժողովրդական կուսակցության (ԵԺԿ) 40-ամյակին նվիրված` Հայաստանի Հանրապետական կուսակցության կազմակերպած «Եվրոպական քաղաքական դաշտը և հայկական կուսակցությունները» թեմայով քննարկումից առաջ Aravot.am-ը ՀՀ փոխնախագահ Արմեն Աշոտյանին հարցրեց, թե իր դիտարկմամբ` ինչո՞ւ ԵՄ ներկայացուցիչները չեն այցելում Արցախ:
«Ակնհայտ է, որ ԵԱՀԿ Մինսկի խմբի համանախագահները, որոնք ներկայացնում են ԵՄ երկրների իշխանությունները, համապատասխան քննարկումների եւ օրակարգի շրջանակում այցելել են Ստեփանակերտ, իսկ հավելյալ այցելությունների մասին կարելի է խոսել դիվանագիտական նպատակահարմարության տեսանկյունից: Բնական է, որ իրենք որոշակի կաշկանդվածություն ունեն»,-ասաց Արմեն Աշոտյանը:
Հիշեցնենք, որ մայիսի 10-ին Հարավային Կովկասի եւ Վրաստանի ճգնաժամային հարցերով ԵՄ հատուկ ներկայացուցիչ Հերբերտ Զալբերի հետ հանդիպումից հետո լրագրողների հետ զրույցում ԼՂՀ ԱԳ նախարար Կարեն Միրզոյանը հայտարարեց, որ ԵՄ ներկայացուցիչներն Արցախ չեն այցելում Ադրբեջանի դիրքորոշման պատճառով:
Կարդացեք նաև
Լուիզա ՍՈՒՔԻԱՍՅԱՆ
