«Օլիմպիական խաղերին Ռուսաստանի մարզիկների մասնակցությունը Ռիո դե Ժանեյրոյի օլիմպիական խաղերին շատ բանով կախված է ՎԱԴԱ-ի հետաքննության արդյունքներից: Եթե կազմակերպված եւ համընդհանուր դոպինգային համակարգի ապացույցներ լինեն, որոնք ընդգրկում են սպորտի մեծ մասը, միջազգային ֆեդերացիաները եւ ՄՕԿ-ը հարկադրված կլինեն կոլեկտիվ կամ անհատական պատասխանատվության դժվար որոշում կայացնել», – գրել է ՄՕԿ-ի նախագահ Թոմաս Բախը Frankfurter Allgmeine Zeitung-ում տպագրված հոդվածում:
Ավելի վաղ ամերիկյան The New York Times-ը նյութ էր տպագրել Մոսկվայի հակադոպինգային լաբորատորիայի նախկին ղեկավար Գրիգորի Ռոդչենկովի արտահայտություններով, որոնք հաստատում են Սոչիի ձմեռային օլիմպիական խաղերում մեդալ նվաճած ռուսաստանցի առնվազն 15 մարզիկների մասնակցությունը Ռուսաստանի կառավարության դոպինգային ծրագրին:
Աշոտ ՀԱԿՈԲՅԱՆ
Լուսանկարը՝ nbcnews.com-ի
