Բասկետբոլի Հայաստանի տղամարդկանց ազգային հավաքականի գլխավոր մարզիչ Տիգրան Գյոկչյանը այսօր ԶԼՄ-ների հետ հանդիպման ժամանակ խոսելով փոքր երկրների Եվրոպայի առաջնության խաղերի մասին, ասաց, որ շատ դժվար հանդիպումներ էին եւ իրենք գիտեին, որ հեշտ չի լինելու: «Մի փոքրիկ խնդիր ունեինք խաղակցվածության հետ կապված: Հանդիսատեսին եւ հեռուստադիտողներին թվում է, թե մենք հեշտ էինք հաղթում: Բայց դա մեզ տրվում էր մեծ դժվարությամբ: Մեր մրցակիցները թույլ չէին, իսկ հաղթանակները խոսում են մեր ուժեղ լինելու մասին»:
Տիգրան Գյոկչյանը նաեւ խոսեց հավաքականի թույլ օղակների մասին: Նրա խոսքերով, երկրորդ կենտրոնականի կարիք կա, ինչը հայկական բասկետբոլում միշտ էլ խնդիր է եղել:
Աշոտ ՀԱԿՈԲՅԱՆ