Դավիթ Բաբայան (ԼՂՀ նախագահի խոսնակ)
– Այսօր տարբեր քաղաքագետներ, վերլուծաբաններ կարծիք են հայտնում, որ առաջիկայում հնարավոր է վերստին, այսպես ասած, «փոքր» պատերազմ լինի։ Դուք դա հավանակա՞ն եք համարում։
– Կարծում եմ, չպետք է այդ թեման շահարկել։ Զինված ուժերը, ժողովուրդը միշտ էլ պատրաստ են հավանական պատերազմին։ Բայց պատերազմի հավանականությունը կախված է մեր մարտունակության աստիճանից։ Եթե մեր մարտունակությունը բարձր լինի, պատերազմի հավանականությունը լինելու է ցածր։ Ի վերջո, քառօրյա պատերազմը ցույց տվեց, որ Ադրբեջանի գերնպատակը ձախողվեց։ Այդ երկրի նպատակն Արցախի գրավումն էր, ինչպես նաև Հայաստանի որոշ տարածքների ռազմակալումը։ Ձախողվեց, և այդպես լինելու է միշտ։
– Բայց Ադրբեջանի ձեռքն անցավ 800 հեկտար տարածք, որը, ըստ որոշ քաղաքական գործիչների և զինվորականների, ռազմական նշանակություն ունի։
Կարդացեք նաև
– Այդ գնահատականներն ամբողջովին քաղաքական են, ոմանք շահարկում են թեման, դարձնում մատի փաթաթան, բան չունեն խոսելու, դա են թեմա դարձնում։ Երևի դա էլ իրենց քաղաքական գործելաոճն է։
Որոշ մարդիկ դիվիդենդներ են շահում դրանից, իրենց մասին են փորձում հիշեցնել։ Ադրբեջանը, քսաներկու տարի պատրաստվելով, կարողացել է ընդամենը մեկ-երկու հենակետ վերցնել՝ տալով 3500 զոհ, կորցնելով մեծ քանակությամբ զինտեխնիկա։ Պետք է օբյեկտիվ լինել։
Ռուզան ԽԱՉԱՏՐՅԱՆ
Հոդվածն ամբողջությամբ կարող եք կարդալ «Իրատես» թերթի այսօրվա համարում
