Հունիսի 5-ից հետո, երբ մի խումբ քաղաքացիներ Բաբայանին դիմավորելուց հետո գնացին ԼՂՀ նախագահական եւ պահանջեցին նրան ՊԲ հրամանատար նշանակել, պետական հիմնարկների ղեկավարները վախեցած են։ «Հրապարակին» հասած տեղեկություններով, նրանք զգուշացնում են աշխատակիցներին, որ չմասնակցեն միտինգների, ցույցերի կամ Սամվել Բաբայանի հետ որեւէ հանդիպման եւ սպառնում են, որ հակառակ դեպքում գործից կազատվեն։
Կան մարդիկ, որոնք արդեն կորցրել են աշխատանքը հունիսի 5-ի միտինգին մասնակցելու պատճառով։ Մի կնոջ ՊԲ-ից են հեռացրել՝ պատճառաբանելով, որ զինծառայողներն իրավունք չունեն խառնվել քաղաքականությանը։
Մի կնոջ էլ հեռացրել են քաղաքացիական հաստատությունից՝ նշելով, որ նա թոշակային տարիքի է։
Աշխատանքից ազատվածները չեն ցանկանում բարձրաձայնել այս խնդրի մասին եւ հայտնել իրենց անունները։
Կարդացեք նաև
«Ազգային վերածնունդ» կուսակցության նախագահ Հայկ Խանումյանը, որը հունիսի 5-ին ղեկավարում էր ցույցը, իսկ հաջորդ օրը ծեծի ենթարկվեց դրա համար, հաստատեց տեղեկությունները։ «Մի քանի դեպք գիտեմ, երբ զինվորականների են հեռացրել հունիսի 5-ի միջոցառումներին մասնակցելու համար։ Մեկի ուղղությամբ աշխատում ենք օգնել, սակայն նա չի ցանկանա, որ հրապարակայնացնենք»,- ասաց նա:
Սյուզան ՍԻՄՈՆՅԱՆ
Հոդվածն ամբողջությամբ կարող եք կարդալ «Հրապարակ» թերթի այսօրվա համարում
