Այսօր կառավարության նիստում, երբ կապի եւ տրանսպորտի փոխնախարար Արթուր Առաքելյանը ներկայացնում էր օրակարգային հարցերից մեկը, երկխոսություն տեղի ունեցավ նրա եւ վարչապետ Հովիկ Աբրահամյանի միջեւ:
Հովիկ Աբրահամյանը հետաքրքրվեց, թե ինչո՞ւ է դանդաղում «Հյուսիս- հարավ» ավտոմայրուղու Աշտարակ- Թալին ճանապարհի շինարարությունը: Արթուր Առաքելյանի պատասխանը, թե շինարարությունը ընթանում է ըստ գրաֆիկի եւ իրենք նման ահազանգ չեն ստացել, բարկացրեց վարչապետին՝ «Իմ ասածը ահազանգ չէ՞»:
Ապա վարչապետը կարծիք հայտնեց, որ խնդիրը ըստ երեւույթին կապված է իսպանական ընկերության հետ, որը չարիք է դարձել. «Ես չեմ հասկանում, էդ ինչ ընկերություն է, չեք կարողանում տեսնեք ինչու է խնդիր առաջանում, չարիք է դառել այդ ընկերությունը, փողերն են տանում, ինչ են անում, ճշտեք»:
Արթուր Առաքելյանը դարձյալ չհամաձայնեց Հովիկ Աբրահամյանի հետ: Վարչապետն էլ հայտարարեց, որ իրեն «ներսի մարդիկ» են ասել եւ հրահանգեց ուսումնասիրություններ կատարել:
Կարդացեք նաև
Նելլի ԲԱԲԱՅԱՆ
